ਗ਼ਜ਼ਲ - ਸੁਖਜਿੰਦਰ ਕੌਰ ਭੁੱਲਰ

ਕਿੱਥੋਂ  ਆਉਣ  ਕੰਜਕਾਂ   ਕੁਆਰੀਆਂ !
ਜੱਗ ’ਚ ਆਉਣ ਤੋਂ ਪਹਿਲਾਂ ਮਾਰੀਆਂ !
ਮਾਂ ਦੇ ਕਿਹੜੇ  ਮੰਦਿਰ ਹੁਣ  ਜਾਈਏ ,
ਧੱਕੇ   ਮਾਰੇ   ਸਾਨੂੰ  ਨੇ   ਪੁਜਾਰੀਆਂ !
ਪੈਸੇ  ਲਈ  ਸੌਦੇ  ਹੋਣ  ਸ਼ਰੀਰਾਂ  ਦੇ ,
ਥਾਂ-ਥਾਂ  ਖੋਲ੍ਹੇ  ਨੇ  ਹੱਟ   ਵਪਾਰੀਆਂ !
ਹਰ ਖੇਤਰ ਵਿੱਚ ਅਸੀਂ ਨਾਂ  ਚਮਕਾਏ ,
ਲਾਈਆਂ ਵਿੱਚ ਹੈ ਅਰਸ਼  ਉਡਾਰੀਆਂ !
ਇੱਕ  ਵਾਰ  ਜੱਗ ਵਿਖਾ ਮਾਂ  ਮੇਰੀਏ ,
ਕਾਹਤੋਂ  ਤੈਂ  ਹਿੰਮਤਾਂ   ਨੇ  ਹਾਰੀਆਂ !
ਜਾਨ ਵੀ ਵਾਰ  ਦੇਣੀ ਸੀ “ਲਾਡੀ” ਨੇ ,
ਦਿੰਦਾ  ਕੋਈ  ਖੁਸ਼ੀਆਂ   ਉਧਾਰੀਆਂ !

ਲਾਡੀ ਸੁਖਜਿੰਦਰ ਕੌਰ ਭੁੱਲਰ, 

ਪਿੰਡ ਫ਼ਰੀਦ ਸਰਾਏ

ਤਹਿ: ਸੁਲਤਾਨਪੁਰ ਲੋਧੀ, ਕਪੂਰਥਲਾ

ਫੋਨ ਨੰ:-97811 91910