ਦੋਹੇ - ਹਰਭਜਨ ਸਿੰਘ ‘ਬਾਈ ਜੀ’

ਬੀਤ ਗਏ ਨੂੰ ਭੁੱਲਨਾਂ ਨਾਲ ਨਵੇਂ ਦੇ ਚੱਲ
ਆਪੇ ਰਸਤੇ ਬਣਨਗੇ ਹਰ ਮੁਸ਼ਕਿਲ ਹੋਊ ਹੱਲ
ਬਾਈ ਬੋਲ ਪਿਆਰ ਦੇ ਹਰ ਮਸਲੇ ਦਾ ਹੱਲ
ਉਹ ਆਪਣਾ ਰੰਗ ਵਿਖੌਣਗੇ ਅੱਜ ਨਹੀਂ ਤਾਂ ਕੱਲ
ਬਾਈ ਜੱਗ ਲੱਗਭੱਗ ਸਾਰਾ ਭਲਾ ਤੂੰ ਸਭਨਾਂ ਤੋਂ ਠੱਗ
ਲਿਖਿਆ ਪੜ੍ਹਦੀ ਵਾਰਤੇ ਹੁਣ ਤਾਂ ਕਹੇ ਲੱਗ
ਬਾਈ ਮਿੱਠਾ ਬੋਲ ਤੇ ਨਿਂਵ ਚੱਲ ਸਾਰੇ ਚੰਗੇ ਲੋਕ
ਘੁੰਮ ਜਿਥੇ ਫਿਰ ਜੀਅ ਕਰੇ ਕਦੇ ਨਾਂ ਪੈਂਦੀ ਰੋਕ
ਬਾਈ ਵਿੱਦਿਆ ਜੇ ਮਿਲੇ ਲੈ ਲਈਂ ਮਹਿੰਗੇ ਮੁੱਲ
ਮੌਕਾ ਫਿਰ ਮਿਲਣਾ ਨਹੀਂ ਕਦੇ ਕਰੀ ਨਾਂ ਭੁੱਲ
ਬਿਨ ਵਿੱਦਿਆ ਸਭ ਢੋਰ ਹੈ ਅਕਲਾਂ ਨਾਲ ਸੁਜਾਂਨ
ਇਸ ਦੁਨੀਆਂ ਵਿੱਚ ਜੀਣ ਦਾ ਵਿੱਦਿਆ ਬਿਨਾਂ ਨਾਂ ਮਾਣ
ਬਾਈ ਧਰਤ ਰੰਗ ਵਾਲੀ ਦੁਨੀ ਸੁਹਾਵਾਬਾਗ
ਸੌਂਨਾਂ ਲੰਮੀਆਂ ਤਾਣ ਕੇ ਵੇਲਾਈ ਹੁਣ ਜਾਗ।
ਬਿਨ ਭਾਗਾਂ ਨਾਂ ਵਿੱਦਿਆ ਕਹਿੰਦੇ ਸਾਰੇ ਲੋਕ
ਬਾਈ ਜੀ ਤੂੰ ਸਮਝ ਲੈ ਤੈਨੂੰ ਏਥੇ ਲੱਗ ਗਈ ਰੋਕ

ਲੇਖਕ:-ਹਰਭਜਨ ਸਿੰਘ ‘ਬਾਈ ਜੀ’

ਭੁਪਿੰਦਰ ਨਗਰ,ਵਾਰਡ ਨੰ-12

ਅਮਲੋਹ ਰੋਡ ਖੰਨਾ 141401

ਮੋਬਾਇਲ ਨੰ:-97792 93623