ਗ਼ਜ਼ਲ - ਮਨਪ੍ਰੀਤ ਬੜਿੰਗ

ਬਹੁਤ  ਕੁਝ  ਉਪਜਦਾ  ਹੈ  ਹਰ ਰੋਜ਼ ਮੇਰੇ ਖਿਆਲਾਂ ਅੰਦਰ।
ਕਿਉਂ ਇਨਸਾਨੀਅਤ ਮਰ ਰਹੀ ਹੈ ਯਾਰ ਹੁਣ ਲੋਕਾਂ ਦੇ ਅੰਦਰ?

ਉਹ ਤਾਂ ਜਾਨਾਂ ਵੀ  ਵਾਰ  ਗਏ  ਸਾਡੀ  ਆਜ਼ਾਦੀ ਦੇ ਖਾਤਿਰ।
ਕਿਉਂ ਅਣਗੌਲੇ ਹੋ ਗਏ ਹੁਣ ਉਹ ਕਾਨੂੰਨੀ ਫਾਇਲਾਂ ਦੇ ਅੰਦਰ?

ਕਦ ਉੱਠੇਂਗਾ, ਜਾਗੇਂਗਾ ਤੇ ਤੁਰੇਂਗਾ ਐ  ਇਨਸਾਨੀ  ਪੁਤਲੇ।
ਕਿਉਂ ਵਧ ਦੀਆਂ ਜਾ ਰਹੀਆਂ ਨੇ ਜ਼ਿੰਦਾ ਲਾਸ਼ਾਂ ਘਰਾਂ ਦੇ ਅੰਦਰ?

ਤ੍ਰਿੰਞਣ   ਤੇ  ਤੀਆਂ  ਹੁਣ  ਜੁੜਦੇ ਨਹੀਂ ਪਿੱਪਲਾਂ ਦੇ ਹੇਠਾਂ।
ਕਿਉਂ  ਸੱਥਾਂ  ਬਣ  ਗਈਆਂ  ਖੰਡਰ ਹੁਣ ਪਿੰਡਾਂ  ਦੇ ਅੰਦਰ?

ਹੋ ਗਈ ਹੈ ਅੱਜ  ਅਜਨਬੀ  ਹਰ ਮੋੜ  ਉੱਤੇ  ਜ਼ਿੰਦਗੀ।
ਕਿਉਂ ਮੁਹੱਬਤ ਮਰ ਰਹੀ ਹੈ ਯਾਰ ਅੱਜ  ਲੋਕਾਂ  ਦੇ  ਅੰਦਰ?

ਚੱਲ  ਉੱਠ  ਚੁੱਕ  ਕਲਮ  ਲਿਖ ਜ਼ਾਲਮ ਨੂੰ ਜ਼ਫ਼ਰਨਾਮਾ।
ਕਿਉਂ ਦੀਵੇ ਗੁੱਲ  ਨੇ ਯਾਰ  ਅੱਜ-ਕੱਲ੍ਹ ਘਰਾਂ ਦੇ ਅੰਦਰ?

ਮਨਪ੍ਰੀਤ ਬੜਿੰਗ

ਪਿੰਡ ਤੇ ਡਾਕਖ਼ਾਨਾ ਭੈਣੀ ਬੜਿੰਗਾਂ

ਤਹਿਸੀਲ ਰਾਏਕੋਟ

ਜ਼ਿਲ੍ਹਾ ਲੁਧਿਆਣਾ

ਫੋਨ ਨੰ. 7837811745