ਲੋਕ - ਬਲਵਿੰਦਰ ਖਹਿਰਾ

ਮੁੱਢ ਤੋਂ ਲੈ ਕੇ ਹੁਣ ਤੱਕ ਯਾਰੋ,
ਦੁਨੀਆਂ ’ਤੇ ਬੜੇ ਆਏ ਲੋਕ।
ਕੰਡਿਆਂ ਵਰਗੇ ਕੁਝ ਲੋਕਾਂ ਨੇ,
ਬਹੁਤ ਹੀ ਨੇ ਤੜਫ਼ਾਏ ਲੋਕ।
ਪਰ ਫੁੱਲਾਂ ਵਰਗੇ ਕੁਝ ਲੋਕਾਂ ਨੇ,
ਬਹੁਤ ਹੀ ਨੇ ਮਹਿਕਾਏ ਲੋਕ।
ਹਰ ਬੰਦੇ ਦੀ ਆਪਣੀ ਹਸਤੀ,
ਧੁਰੋਂ ਲਿਖਾ ਕੇ ਲਿਆਏ ਲੋਕ।
ਦਿਲਾਂ ਵਿਚ ਖੌਰੇ ਕੀ-ਕੀ ਲੈ ਕੇ,
ਫਿਰਦੇ ਭਰੇ-ਭਰਾਏ ਲੋਕ।
ਉਨ੍ਹਾਂ ਨੂੰ ਵੀ ਭੁੱਲਗੇ ਲੋਕੀ,
ਜਿਨ੍ਹਾਂ ਜੰਮੇ-ਜਾਏ ਲੋਕ।
ਦਿਲਾਂ ਦੇ ਅੰਦਰ ਦਹਿਸ਼ਤ ਵੱਸੀ,
ਫਿਰਦੇ ਨੇ ਘਬਰਾਏ ਲੋਕ।
ਕੁਝ ਤਾਂ ਬਣ ਬੱਸ ਬੈਲ ਕੋਹਲੂ ਦੇ,
ਭਾਰ ਢੋਹਣ ਨੇ ਆਏ ਲੋਕ।
ਵਹਿਮਾਂ ਭਰਮਾਂ ਦੇ ਵਿਚ ਪੈ ਕੇ,
ਪਏ ਫਿਰਨ ਕੁਰਾਹੇ ਲੋਕ।
ਯੁੱਗ ਬਦਲ ਜਾਂਦੇ ਨੇ ਜਦ ਵੀ,
ਆਪਣੀ ਆਈ ’ਤੇ ਆਏ ਲੋਕ।

ਬਲਵਿੰਦਰ ਖਹਿਰਾ, 

ਪਿੰਡ: ਅਮਰਜੀਤ ਪੁਰਾ (ਮੋਰੀਵਾਲਾ)

ਜਿਲ੍ਹ ਤੇ ਤਹਿ. ਸਰਸਾ (ਹਰਿ.)-125055

ਮੋ. 94664-50456