ਉਸ ਦੇ ਜਾਣ ਮਗਰੋ - AVTAR SINGH ਮੰਗਾ

ਕੁੱਝ ਵੀ ਤਾਂ ਨਹੀ ਬਦਲਿਆ
ਉਸ ਦੇ ਜਾਣ ਮਗਰੋ..
ਸਿਖਾ ਦਿੱਤਾ ਹੈ,
ਮੈਨੂੰ ਮੇਰੇ ਹਲਾਤਾਂ ਨੇ
ਉਸ ਤੋ ਬਿਨਾ ਜੀਣਾ..!!
ਮੈ ਹੁਣ ਓਵੇ ਰਹਿਣ ਲੱਗਾ ਹਾਂ,
ਜਿਵੇ ਕਦੇ ਮੈ ਉਸਦੇ
ਮਿਲਣ ਤੋ ਪਹਿਲਾ ਰਹਿੰਦਾ ਸੀ..!!
ਹਾਂ! ਇੱਕ ਭੂਚਾਲ ਜਿਹਾ
ਜਰੂਰ ਆਇਆ ਸੀ
ਮੇਰੀ ਜ਼ਿੰਦਗੀ 'ਚੋ,
ਜਦੋ ਉਹ ਮੈਨੂੰ ਛੱਡਕੇ ਗਏ ਸੀ..!!
ਇੱਕ ਵਾਰ ਤਾਂ ਮੇਰੇ ਸਾਰੇ
ਸੁਪਨੇ ਬਿਖਰ ਗਏ ਸੀ,
ਟੁੱਟ ਗਿਆਂ ਸਾਂ ਮੈ..
ਪਰ ਹੁਣ ਠੀਕ ਹਾਂ !
ਮੈ ਬਿਖਰੇ ਹੋਏ ਸੁਪਨਿਆਂ ਨੂੰ
ਦੁਬਾਰਾ ਸਮੇਟ ਕੇ,
ਮੁੜ ਤੋ ਜ਼ਿੰਦਗੀ ਜਿਉਣ ਲੱਗਾ ਹਾਂ,
ਪਹਿਲਾ ਵਾਂਗ ਮੁਸਕਰਾਉਣ ਲੱਗਾ ਹਾਂ,
ਫਿਰ ਤੋ ਸੁਪਨੇ ਸਜਾਉਣ ਲੱਗਾ ਹਾਂ,
ਹਾਂ! ਕੁੱਝ ਵੀ ਤਾਂ ਨਹੀ ਬਦਲਿਆ
ਉਸ ਦੇ ਜਾਣ ਮਗਰੋ.......!!

AVTAR SINGH ਮੰਗਾ

                                                                                             ਮੋ :98147-93108