ਗੀਤ - ਸੋਹਣ ਸਿੰਘ ਸੋਨੀ

ਹੱਥ ਰੱਖ ਕੇ ‘ਕੁਰਾਨ’ ਨੀ ਤੂੰ ਕੀਤੀ ਸੀ ਜ਼ੁਬਾਨ
ਕਦੇ ਵਿਛੜੇ ਜੇ ਆਪਾਂ ’ਕੱਠੇ ਨਿਕਲੇ ਪ੍ਰਾਣ
ਅਰਮਾਨ ਦਿਲਾਂ ਵਿਚ ਭੁਰਗੇ ਨੇ
ਸਾਡੇ ਸੱਜਣ ਲਾਰਾ ਲਾ ਕੇ ਤੁਰਗੇ ਨੇ
ਸਾਡੇ ਸੱਜਣ ਲਾਰਾ...

ਅਸੀਂ ਸੀ ਗ਼ਰੀਬ, ਉਹ ਮਹਿਲਾਂ ਦੀ ਸੀ ਰਾਣੀ
ਰਾਸ ਨਾ ਆਈ ਸਾਡੀ ਲੋਕਾਂ ਨੂੰ ਕਹਾਣੀ
ਸਾਡਾ ਚੱਲਿਆ ਨਾ ਜ਼ੋਰ, ਉਹ ਹੋਗੇ ਹੁਣ ਹੋਰ
ਨਾਤੇ ਵੱਡਿਆਂ ਘਰਾਂ ਨਾਲ ਜੁੜਗੇ ਨੇ
ਸਾਡੇ ਸੱਜਣ ਲਾਰਾ...

ਓਹਦੇ ਹਿੱਸੇ ਖੇੜੇ, ਸਾਡੇ ਪੈ ਗੇ ਪੱਲੇ ਰੋਣੇ ਨੀ
ਓਹਦੇ ਦਿੱਤੇ ਫਟ ਸਾਡੇ ਹੰਝਿੂਆਂ ਨੇ ਧੋਣੇ ਨੀ
ਚੜ੍ਹਗੀ ਜਹਾਜ਼, ਸਾਡਾ ਖੋਹ ਲਿਆ ਤੂੰ ਰਾਜ
ਪੰਛੀ ਮੁੜ ਆਲ੍ਹਣਿਆਂ ਵਿਚ ਮੁੜਗੇ ਨੇ
ਸਾਡੇ ਸੱਜਣ ਲਾਰਾ...

ਦਿਲ ਦੀਆਂ ਸੱਧਰਾਂ ਉਜਾੜਾ ਬਣ ਗਈਆਂ ਨੇ
ਯਾਦਾਂ ਹੁਣ ਤੇਰੀਆਂ ਸਹਾਰਾ ਬਣ ਗਈਆਂ ਨੇ
ਰੱਖਿਆ ਤੂੰ ਓਹਲਾ, ‘ਸੋਨੀ’ ਕਰ ਦਿੱਤਾ ਵਿਹਲਾ
ਸਾਡੇ ਚਾਅ ਪਾਣੀਆਂ ਵਿਚ ਖੁਰਗੇ ਨੇ
ਸਾਡੇ ਸੱਜਣ ਲਾਰਾ...

ਸੋਹਣ ਸਿੰਘ ਸੋਨੀ, 

# ਪੀ-39, ਰਾਜਪੁਰਾ ਕਲੋਨੀ,

ਪਟਿਆਲਾ

ਮੋਬਾ: 99156-28853