ਗ਼ਜ਼ਲ - ਐਸ ਸੁਰਿੰਦਰ

ਕੂੜ  ਹਨੇਰਾ  ਹੈ ਦੀਵਾਲੀ  ਨੂੰ !
ਸੁੰਝਾਂ ਬਨੇਰਾ ਹੈ  ਦੀਵਾਲੀ  ਨੂੰ !
ਕੁੱਲੀ ਅੰਦਰ ਵੱਸਦਾ ਚਾਨਣ ਨਾ ,
ਹੌਕਾਂ  ਲਮੇਰਾ  ਹੈ ਦੀਵਾਲੀ  ਨੂੰ !
ਕਿਰਤੀ ਨਿਤਾਣਾ ਲੱਭਦਾ ਰੋਜ਼ੀ ,
ਪੰਧ  ਵਡੇਰਾ  ਹੈ ਦੀਵਾਲੀ  ਨੂੰ !
ਦੇਸ਼ ਮੇਰੇ ਦੀ ਬੇਟੀ ਬੇਪੱਤ ਹੈ ,
ਧੁੰਦ ਹਨੇਰਾ  ਹੈ  ਦੀਵਾਲੀ  ਨੂੰ !
ਕਲਮ ਮੇਰੀ ਵੀ ਵਿਰਲਾਪ ਕਰੇ ,
ਹੰਝੂ  ਬਸੇਰਾ  ਹੈ  ਦੀਵਾਲੀ ਨੂੰ !
ਮੁੱਹਬਤਾਂ ਦਾ ਦੀਪਕ ਬਲਦਾਂ ਨਾ ,
ਰੋਦਾਂ  ਚੁਫੇਰਾ ਹੈ  ਦੀਵਾਲੀ  ਨੂੰ !
ਝੂੱਠੀ ਵਧਾਈ ਕਿੱਵੇ ਦਿਆ ਤੈਨੂੰ ,
ਰੰਝ  ਬਥੇਰਾ  ਹੈ  ਦੀਵਾਲੀ  ਨੂੰ !

ਐਸ. ਸੁਰਿੰਦਰ