ਇੱਕ ਔਰਤ - ਸਵਰਨਜੀਤ ਸਿੰਘ

ਦੁਨਿਆ ਦੇ ਕਈ,
ਨਾਕਾਮ ਰਿਸ਼ਤਿਆ ਚੋ ਆਂ..
ਜੇ ਹਾਂ ਤੇ ਇੱਕ ਔਰਤ,
ਨਹੀ ਤੇ ਕਈ ਬਦਨਾਮ ਕਿਸਿਆ ਚੋ ਆਂ..
ਜੇ ਹਾਂ ਤੇ ਇੱਕ ਮੈਲੀ ਸਫੇਦ ਚਾਦਰ,
ਨਹੀ ਤੇ ਇਜ਼ਤ ਦੇ ਦੋ-ਚਾਰ ਦਾਗਾਂ ਚੋ ਆਂ..
ਦੁਖ ਚੋ ਆ,
ਜਾਂ
ਸੁਖ ਚੋ ਆਂ,
ਮੈ ਵੀ ਆਪਣੀ ਮਾਂ ਦੀ ਕੁਖ ਚੋ ਆਂ..


ਸੁਪਨੇਆਂ ਚ ਸਜੀ,
ਕਿਸੇ ਹੀਰ ਚੋ ਆਂ..
ਜੇ ਹਾਂ ਤੇ ਇੱਕ ਔਰਤ,
ਨਹੀ ਤੇ ਵੰਝਲੀ ਵਜਾਉਂਦੇ ਕਿਸੇ ਫਕੀਰ ਚੋ ਆਂ..
ਜੇ ਹਾਂ ਤੇ ਕਿਸੇ ਘਰ ਦਾ ਕਲੇਸ਼,
ਨਹੀ ਤੇ ਲਹੁ ਦੀ ਵਹਿੰਦੀ ਚਿੱਟੀ ਲੀਹ ਚੋ ਆਂ..
ਸਾਜ ਚੋ ਆਂ,
ਜਾਂ
ਪਹਿਨੇ ਤਾਜ ਚੋ ਆਂ,
ਮੈ ਬਾਬਲ ਦੀ ਪੱਗ ਦੀ ਲਾਜ ਚੋ ਆਂ..

ਅਖਾ ਨਾਲ ਬੁਣੇ,
ਕਿਸੇ ਖਵਾਬ ਚੋ ਆਂ..
ਜੇ ਹਾਂ ਤੇ ਇੱਕ ਔਰਤ,
ਨਹੀ ਤੇ ਦੁਲਹਨ ਦੇ ਪਹੇਨੇ ਕਿਸੇ ਪਸ਼ਾਕ ਚੋ ਆਂ..
ਜੇ ਹਾਂ ਤੇ ਇਲਮ ਦਾ ਗਹਿਣਾ,
ਨਹੀ ਤੇ ਨਜ਼ਰਾ ਨਾਲ ਤਕਦੇ ਬਿਨ ਲਿਬਾਸ ਚੋ ਆਂ..
ਯਾਦ ਚੋ ਆ,
ਜਾਂ
ਕਿਸੇ ਲਾਭ ਚੋ ਆਂ,
ਮੈ ਅੱਜ ਦੇ ਮਰਦੇ ਸਮਾਜ ਚੋ ਆਂ

ਸਵਰਨਜੀਤ ਸਿੰਘ