ਪੇਪਰਾਂ ਦੇ ਦਿਨ

ਪੇਪਰਾਂ ਦੇ ਦਿਨ ਸਿਰ ’ਤੇ ਆ ਗਏ,
ਪੜ੍ਹ ਲਓ ਮਨ ਇਕ ਚਿੱਤ ਕਰਕੇ।
ਸਹੁਣੇ-ਸੁਹਣੇ ਜਵਾਬ ਤੁਸਾਂ ਨੇ ਦੇਣੇ,
ਸੁਣ ਲਓ, ਇਸ ਗੱਲ ਦਾ ਪੱਲਾ ਫੜ੍ਹ ਕੇ।
ਰਿਜ਼ਲਟ ਆਉਣ ਤੇ ਫਸਟ ਤੁਸੀਂ ਆ ਕੇ,
ਮੰਮੀ-ਪਾਪਾ ਨੂੰ ਛੱਡਿਓ ਖੁਸ਼ ਕਰਕੇ।
ਅਗਲੀ ਕਲਾਸ ’ਚ ਫੇਰ ਕਰਨੀ ਤਿਆਰੀ,
ਸ਼ੁਰੂ ਤੋਂ ਹੀ ਜ਼ੋਰਾਂ ਸ਼ੋਰਾਂ ਨਾਲ ਪੜ੍ਹ ਕੇ।
ਮੈਰਿਟ ਵਿਚ ਨਾਂ ਤੁਸਾਂ ਦਾ ਆਵੇ,
ਦਿਖਾ  ਦੇਣਾ ਪੈਰਾਂ, ਉਪਰ ਆਪਣੇ ਖੜ੍ਹ ਕੇ।
ਪੇਪਰਾਂ ਦੇ ਦਿਨ ਸਿਰ ਤੇ ਆ ਗਏ,
ਪੜ੍ਹ ਲਓ ਮਨ ਇਕ ਚਿੱਤ ਕਰਕੇ।

ਸਮੇਂ ਦੀ ਕਦਰ

ਗੰਦੇ ਬੱਚੇ ਉਹ ਨੇ ਹੁੰਦੇ,
ਜੋ ਸਮੇਂ ਦੀ ਕਦਰ ਨਾ ਕਰਦੇ,
ਸਕੂਲੀ ਕੰਮ ਤੋਂ ਉਹ ਨੇ ਟਲਦੇ,
ਅਧਿਆਪਕਾਂ ਤੋਂ ਨੇ ਝਿੜਕਾਂ ਸੁਣਦੇ।
ਖਾਣ-ਪੀਣ ਸਮੇਂ ਰੀਂ-ਰੀਂ ਕਰਦੇ,
ਐਵੇਂ ਗੰਦੀਆਂ ਚੀਜ਼ਾਂ ਨਾਲ ਢਿੱਡ ਨੇ ਭਰਦੇ।
ਕਲਾਸ ਵਿਚ ਉਹ ਸ਼ੋਰ ਮਚਾਉਂਦੇ,
ਕਿਤਾਬਾਂ ਨੂੰ ਉਹ ਕਦੇ ਨਾ ਪੜ੍ਹਦੇ।
ਘਰ ਦਾ ਕੰਮ ਨਾ ਕਰਕੇ ਲਿਆਉਂਦੇ,
ਵਿਹਲੇ ਫਿਰਦੇ ਹੱਥ ਨੇ ਮਲ੍ਹਦੇ।
ਦਿਲ ਲਾ ਕੇ ਜੋ ਪੜ੍ਹਦੇ ਬੱਚੇ,
ਉਹਨਾਂ ਦੇ ਸੁਪਨੇ ਹੁੰਦੇ ਸੱਚੇ।
ਬੱਚਿਓ ਤੁਸੀਂ ਵੀ ਕਰ ਲਓ ਖਿਆਲ,
ਮੁੜ ਵਾਪਿਸ ਨਾ ਆਵੇ ਲੰਘਿਆ ਸਿਆਲ।

ਮੇਜਰ ਸਿੰਘ

ਗੁਰੂ ਬਹਾਦਰ ਕਲੋਨੀ,

ਚੌਧਰੀ ਮਾਜਰਾ ਰੋਡ, ਨਾਭਾ।

ਮੋਬਾਇਲ 9463553962