ਉਦਘਾਟਨ : ਤੀਜੇ ਵਿਸ਼ਵ ਕਬੱਡੀ ਕੱਪ ਦਾ

ਇੱਕ   ਤੋਂ  ਪੰਦਰਾਂ  ਦਸੰਬਰ ਤੀਕਰ, ਪੰਜਾਬ ਦੇ ਮੁੱਖ ਏਜੰਡੇ ।
ਸਖ਼ਤ ਸੁਰੱਖਿਆ ਖ਼ਿਡਾਰੀਆਂ ਦੀ ਤੇ, ਫੜੇ ਹੱਥਾਂ ਵਿੱਚ ਡੰਡੇ ।
ਤਿੰਨ   ਹਜ਼ਾਰ  ਮੁਲਾਜ਼ਮ  ਪੁਲੀਸ  ਦੇ,ਪਹੁੰਚੇ ਆਣ ਬਠਿੰਡੇ ।
ਕਹਿਣ  ਪੁਲਸੀਏ  ਕਬੱਡੀ  ਕੱਪ  ਨੇ,  ਬੀਜਕੇ  ਰੱਖਤੇ ਕੰਡੇ ।
ਪੁਲੀਸ ਲਾਈਨ  ਦੇ  ਖ਼ਾਤਿਓ ਮੁੱਕੇ, ਰਾਸ਼ਨ ਪਾਣੀ ਤੇ ਗੰਢੇ ।
ਕਰੋੜ ਰੁਪਇਆ ਸਿਰ ‘ਤੇ ਹੁਣ ਕੋਈ, ਉਧਾਰ ਤੇਲ ਨਾ ਵੰਡੇ ।
ਵੱਡੇ ਅਫ਼ਸਰਾਂ ਦੇ  ਬਿੱਲ ਹੋਟਲ ਦੇ,  ਆਉਣਗੇ ਕਿਹੜੇ ਫ਼ੰਡੇ ।
ਛੋਟੇ ਮੁਲਾਜ਼ਮ  ਲੰਗਰ  ਨਾਲ  ਹੀ, ਕਰਨ ਲੱਗੇ  ਢਿੱਡ ਠੰਡੇ ।
ਫ਼ਿਲਮੀ ਹਸਤੀਆਂ ਆ ਰਹੀਆਂ ਨੇ, ਪਾਕੇ ਕਪੜੇ ਉੱਚੇ ਲੰਡੇ ।
ਉਦਘਾਟਨੀ  ਮੈਚ ‘ਤੇ ਕਬੱਡੀ ਪੈਣੀ, ਖ਼ੜਕ ਜਾਣ ਨਾ ਖ਼ੰਡੇ ।
ਏਸੇ   ਲਈ   ਸੁਖਬੀਰ  ਬਾਦਲ  ਨੇ,  ਕਈ  ਆਫ਼ੀਸਰ ਚੰਡੇ ।
ਸਿਬੀਆਂ ਵਾਲਿਆ ਵੀਹ ਕਰੋੜ ਦੇ,ਗੁਰਪ੍ਰੀਤ ਨੇ ਗੱਡਤੇ ਝੰਡੇ ।

ਗੁਰਪ੍ਰੀਤ ਸਿੰਘ ਸਿਬੀਆਂ (ਫਰੀਦਕੋਟ)
ਮੋ: 98726-00138