ਟੱਪੇ…ਗੋਰੀਏ… - ਨਾਇਬ ਬੁੱਕਣਵਾਲ

ਗੋਰੀਏ ,ਨੀ ਪਾਣੀ ਲਹਿੰਦੇ ਨੂੰ ਵਗਦਾ ਏ………………2
ਮੱਥੇ ਉੱਤੇ ਟਿੱਕਾ ਤੇਰੇ, ਚੰਨ ਵਾਂਗੂੰ ਫਬਦਾ ਏ।
ਗੋਰੀਏ, ਨੀ,ਤੂੰ ਰੂਹ ਹੈ, ਮਹੁੱਬਤਾਂ ਦੀ…………………….2
ਤਾਕਤ ਰੱਬੀ ਜਿਵੇ, ਕਿਸੇ ਸ਼ਾਇਰ ਦੇ ਸ਼ਬਦਾਂ ਦੀ
ਗੋਰੀਏ, ਨੀ ਛੱਲੇ ਹੱਥਾਂ ਵਿੱਚ ਪਾ ਲਏ ਨੇ…………………2
ਰਾਤਾਂ ਦੀਆਂ ਨੀਂਦਰਾਂ ਗਈਆਂ, ਰੋਗ ਇਸ਼ਕੇ ਦੇ ਲਾ ਲਏ ਨੇ
ਗੋਰੀਏ, ਨੀ ਤੂੰ ਜੱਟੀ ਏ ਪੰਜਾਬ ਦੀ……………2
ਸ਼ਹਿਦ ਨਾਲੋਂ ਮਿੱਠੀਏ ਨੀ,  ਤੁੰ ਖੁਸ਼ਬੂ  ਹੈ ਆਬ ਦੀ
ਗੋਰੀਏ , ਨੀ ਤੇਰੇ ਨੈਣਾਂ ਵਿੱਚ ਡੁੱਬ ਜਾਈਏ
ਬਣ ਭੱਖੜਾ ਟੱਬਿਆਂ ਦਾ, ਤੇਰੇ ਪੈਰਾਂ ਵਿੱਚ ਖੁੰਭ ਜਾਈਏ
ਗੋਰੀਏ , ਨੀ ਤੂੰ ਤਾਂ ਫੁੱਲ ਹੈਂ ਗੁਲਾਬੇ ਦਾ
ਨੈਣਾਂ ਵਿੱਚੋਂ ਚੜ੍ਹਦਾ ਜਾਵੇ,ਸਾਨੂੰ ਨਸ਼ਾ ਨੀ ਸ਼ਰਾਬੇ ਦਾ
ਗੋਰੀਏ ,ਨੀ ਤੇਰੇ ਨੈਣਾਂ ਵਿੱਚ ਚਮਕਾਂ ਨੇ
ਇੱਕ ਸਾਡੇ ਪਿਆਰ ਲਈ, ਤੈਂ ਸਹਿ ਲਈਆਂ ਛਮਕਾਂ ਨੇ

ਨਾਇਬ ਬੁੱਕਣਵਾਲ

ਪਿੰਡ : ਬੁੱਕਣਵਾਲ

ਤਹਿ – ਮਾਲੇਰਕੋਟਲਾ

ਜ਼ਿਲ੍ਹਾ : ਸੰਗਰੂਰ 

ਮੋਬਾਇਲ ਨੰ. 9417661708