ਦੁੱਖਾਂ ਦੇ ਹਨੇਰਿਆਂ ਵਿਚ,ਲੰਘਦੀ ਏ ਰਾਤ ਸਾਡੀ ।
ਸੋਚਾਂ ਦੇ ਚੌਫੇਰਿਆਂ ਵਿਚ, ਲੰਘਦੀ ਏ ਰਾਤ ਸਾਡੀ ।
ਰੋਸ਼ਨੀ ਦਾ ਇੱਕੋ ਇੱਕ,ਦੀਪ ਸਾਡਾ ਗੁੱਲ ਹੋਇਐ,
ਕਾਲ਼ਖਾਂ ਦੇ ਘੇਰਿਆਂ ਵਿਚ, ਲੰਘਦੀ ਏ ਰਾਤ ਸਾਡੀ ।
ਖੇੜਿਆਂ ਦੀ ਇੱਕ ਰਾਤੀਂ ,ਪੈਲਾਂ ਪਾ ਕੇ ਟੁਰ ਗਈ ਏ,
ਹੁਣ ਗ਼ਮਾਂ ਦਿਆਂ ਡੇਰਿਆ ਵਿਚ , ਲੰਘਦੀ ਏ ਰਾਤ ਸਾਡੀ ।
ਆਹਾਂ ਅਤੇ ਹੰਝੂ ਇਹਨਾਂ,ਅੱਖੀਆਂ ਚੋਂ ਕਿਰੀ ਜਾਦੇ,
ਹਉਕਿਆਂ ਬਥੇਰਿਆਂ ਵਿਚ , ਲੰਘਦੀ ਏ ਰਾਤ ਸਾਡੀ ।
ਰੋਂਦੇ ਕੁਰਲਾਉਂਦਿਆਂ ਦੀ,ਲੈਂਦਾ ਨਹੀਂ ਵੇ ਸਾਰ ਕੋਈ,
ਦਰਦਾਂ ਘਨੇਰਿਆਂ ਵਿਚ ,ਲੰਘਦੀ ਏ ਰਾਤ ਸਾਡੀ।
ਫਿਲਮ ਅਤਤਿ ਦੀ ਸਾਕਾਰ ਹੋਵੇ ਨੈਣਾਂ ਸਾਹਵੇਂ,
ਖਿਆਲ ਤੇਰੇ ਮੇਰਿਆਂ ਵਿਚ,ਲੰਘਦੀ ਏ ਰਾਤ ਸਾਡੀ ।
ਵਸਲ ਦੀ ਯਾਦ ਜੇ ਸੁਲਾ ਵੀ ਦਏ ‘‘ਰੁਪਾਲ” ਕਿਤੇ,
ਖੁਆਬ ਸਦਾ ਤੇਰਿਆਂ ਵਿਚ, , ਲੰਘਦੀ ਏ ਰਾਤ ਸਾਡੀ ।
ਜਸਵਿੰਦਰ ਸਿੰਘ ‘‘ਰੁਪਾਲ” 9814715796
ਲੈਕਚਰਰ ਅਰਥ-ਸ਼ਾਸ਼ਤਰ,
ਸਰਕਾਰੀ ਸੀਨੀ.ਸੈਕੰਡਰੀ ਸਕੂਲ,
ਭੈਣੀ ਸਾਹਿਬ(ਲੁਧਿਆਣਾ) -141126
0 comments:
Speak up your mind
Tell us what you're thinking... !