ਕੁੜੀਓ-ਮੇਜਰ ਸਿੰਘ ਬੁਢਲਾਡਾ

ਬਣੋ ਫੁੱਲਾਂ ਤੋਂ ਤੁਸੀਂ ਖਾਰ ਨੀ ਕੁੜੀਓ!
ਰੋਕਣ ਲਈ ਛੇੜ-ਛਾੜ ਨੀ ਕੁੜੀਓ!

ਹੁਣ ਰਹੋ ਨਾ ਬਣਕੇ ਚਿੜੀਆਂ ਤੁਸੀਂ,
ਦਿਓ ਬਾਜਾਂ ਨੂੰ ਲਲਕਾਰ ਨੀ ਕੁੜੀਓ!

ਵਿਗੜੇ-ਤਿਗੜੇ ਪਾ ਨੀਵੀਆਂ ਲੰਘਣ,
ਐਸਾ ਕਰੋ ਵਿਵਹਾਰ ਨੀ ਕੁੜੀਓ!

ਜਿੰਦਗੀ ਮਾਣੋ ਹੱਕ ਹੈ ਪੂਰਾ,
ਹਮੇਸ਼ਾ ਰਹੋ ਹਸ਼ਿਆਰ ਨੀ ਕੁੜੀਓ!

ਐਸਾ ਕਦਮ ਨਾ ਚੁੱਕੋ ਕੋਈ,
ਹੋਣਾ ਪੈ ਜੇ ਸ਼ਰਮਸ਼ਾਰ ਨੀ ਕੁੜੀਓ!

ਕੋਈ ਨਾ ਚਾਹੁੰਦਾ ਉਹਨਾਂ ਤਾਂਈ,
ਜੋ ਹੋ ਜੇ ਬਦਕਾਰ ਨੀ ਕੁੜੀਓ!

ਲ਼ੋਕ ਉਹਨਾਂ ਤੇ ਮਾਣ ਨੇ ਕਰਦੇ,
ਜੀਹਦਾ ਸੁੱਚਾ ਕਿਰਦਾਰ ਨੀ ਕੁੜੀਓ!

ਖੁਸ਼  ਰਹੋ  ਸਦਾ  ਮੌਜਾਂ  ਮਾਣੋ,
ਮੇਜਰ ਹਰ ਚਾਹੁੰਦਾ ਸਮਝਦਾਰ ਨੀ ਕੁੜੀਓ!

ਮੇਜਰ ਸਿੰਘ ਬੁਢਲਾਡਾ

ਮੋਬਾ: 94176 42327

      90414 06713