ਪਿਛਲੇ ਤਿੰਨ ਦਿਨਾਂ ਤੋਂ ਸਾਡੇ ਮੁਹੱਲੇ ਦਾ ਜਮਾਂਦਾਰ ਕੁੜਾ ਲੈਣ ਨਹੀਂ ਆਇਆ ਸੀ ਘਰ ਦਾ ਤਿੰਨ ਦਿਨਾਂ ਦਾ ਕੂੜਾ ਮੈਂ ਸਕੂਟਰ ਤੇ ਲੱਧ ਕੇ ਰੂੜੀ ਤੇ ਸੁੱਟਣ ਗਿਆ ਤਾਂ ਇੱਕ ਬੰਦਾ ਪਾਟੇ ਪੁਰਾਣੇ ਕੱਪੜੇ ਪਾਈ ਰੂੜੀ ਤੇ ਕੁੱਛ ਲੱਭ ਰਿਹਾ ਸੀ ਵੇਖਣ ਨੂੰ ਪਾਗਲ ਲੱਗ ਰਿਹਾ ਸੀ ਤਾਂ ਮੈਂ ਉਸ ਨੂੰ ਪੁਛਿਆ ਤੇਰਾ ਕੀ ਗੁਆਚ ਗਿਆ ਭਰਾਵਾ ਰੂੜੀ ਤੇ ਕੀ ਲੱਭ ਰਿਹਾਂ ਏਂ..?”
“ਮੈਂ ਸੱਚ ਬੋਲਦਾਂ ਹਾਂ ਮੈਂ ਬਾਹਰੋਂ ਜਰੂਰ ਗੰਦਾ ਹਾਂ ਅੰਦਰੋਂ ਸਾਫ ਹਾਂ ਮੈਂ ਸੱਚ ਬੋਲਦਾਂ ਹਾਂ ਮੇਰੇ ਕੋਲ ਜ਼ਮੀਰ ਦਾ ਟੁਕੜਾ ਬਚਿਆ ਸੀ ਉਹ ਗੁਆਚ ਗਿਆ ਆਚਰਨ ਦੇ ਇਸ ਗੰਦੇ ਮੰਦੇ ਢੇਰ ਚ ਹੁਣ ਕਿੱਥੋਂ ਮਿਲੇਗਾ…?” ਮੇਰੇ ਕੋਲ ਇਸ ਗੱਲ ਦਾ ਜਵਾਬ ਨਹੀਂ ਸੀ ਸ਼ਾਇਦ ਮੈਂ ਕੁੜਾ ਰੂੜੀ ਤੇ ਸੁੱਟ ਕੇ ਜਾਣ ਲੱਗਾ ਤਾਂ ਮੇਰੀ ਨਜ਼ਰ ਚਾਰ ਪੰਜ ਕੁੱਤਿਆਂ ਤੇ ਪਈ ਉਹ ਬੱਚੀ ਦਾ ਭਰੂਣ ਖਾ ਰਹੇ ਸੀ । ਮੈਂ ਘਰ ਜਾ ਕੇ ਚੰਗੀ ਤਰ੍ਹਾਂ ਸਾਬਣ ਲਾਅ ਲਾਅ ਡੀਟੋਲ ਪਾਅ ਕੇ ਨਹਾਤਾ ਤੇ ਟੀ.ਵੀ ਆੱਨ ਕੀਤਾ ਗੈਂਗਰੈਪ ਦੀ ਖਬਰ ਸੀ ਮੈਂ ਟੀ.ਵੀ ਬੰਦ ਕਰ ਦਿੱਤਾ ਉਸ ਰੱਬ ਵਰਗੇ ਬੰਦੇ ਦੀ ਗੱਲ ਮੇਰੇ ਦਿਮਾਗ ਚ ਘਰ ਕਰ ਗਈ “ਮੈਂ ਸੱਚ ਬੋਲਦਾਂ ਹਾਂ ਮੈਂ ਬਾਹਰੋਂ ਜਰੂਰ ਗੰਦਾ ਹਾਂ ਅੰਦਰੋਂ ਸਾਫ ਹਾਂ ਮੈਂ ਸੱਚ ਬੋਲਦਾਂ ਹਾਂ । ਹੁਣ ਮੈਨੂੰ ਹਰ ਸਾਫ ਸੁਥਰੇ ਬੰਦੇ ਨੂੰ ਵੇਖ ਕੇ ਡਰ ਲਗਦੈ ਹੈ ?
1764-ਗੁਰੂ ਰਾਮ ਦਾਸ ਨਗਰ
ਨੇੜੇ ਨੈਸਲੇ ਮੋਗਾ-142001
ਪੰਜਾਬ ਭਾਰਤ
ਮੋਬਾਈਲ 098557-35666
0 comments:
Speak up your mind
Tell us what you're thinking... !