ਵੋਟਰ ਨੂੰ - ਮਹਿੰਦਰ ਸਿੰਘ ਮਾਨ

ਆਪਣੀ ਕੀਮਤ ਜਾਣ ਵੋਟਰਾ
ਆਪਣੀ ਕੀਮਤ ਜਾਣ ।
ਸ਼ੋਚ ਜਰਾ ਕਿਉਂ ਨੇਤਾ ਮੁੜ-ਮੁੜ
ਤੇਰੇ ਘਰ ਦੇ ਗੇੜੇ ਲਾਉਣ ।
ਦੇਖ ਦਫਤਰਾਂ ’ਚ ਕਿਵੇਂ
ਫੈਲਿਆ ਹੋਇਆ ਭਰਿਸ਼ਟਾਚਾਰ ।
ਚਾਰ ਦਿਨ ਪਹਿਲਾਂ ਦਿੱਤੀ ਫਾਈਲ
ਦਫਤਰਾਂ ਵਿੱਚੋਂ ਜਾਏ ਗਵਾਚ ।
“ ਪਾਣੀ ਜੀਵਨ ਦਾ ਆਧਾਰ ਹੈ ”
ਕਹਿੰਦੇ ਲੋਕ ਸਿਆਣੇ ।
ਪਰ ਪਾਣੀ ਦੀ ਇੱਕ ਇੱਕ ਬੂੰਦ ਨੂੰ
ਤਰਸਣ ਗਰੀਬਾਂ ਦੇ ਨਿਆਣੇ ।
ਦੇਖ ਕਿਸਾਨਾਂ ਦੀ ਫਸਲ
ਕਿਵੇਂ ਮੰਡੀ ਵਿੱਚ ਹੈ ਰੁਲਦੀ ।
ਕੌਡੀਆਂ ਦੇ ਭਾਅ ਖਰੀਦਣ ਆੜ੍ਹਤੀ
ਫਸਲ ਮਹਿੰਗੇ ਮੁੱਲ ਦੀ ,
ਰੋਜ ਵਰਤੋਂ ਦੀਆਂ ਚੀਜ਼ਾਂ ਦੇ ਭਾਅ
ਅਸਮਾਨੀ ਜਾ ਚੜ੍ਹੇ ।
ਦੁਕਾਨਦਾਰਾਂ ਤੋਂ ਉਨ੍ਹਾਂ ਦੇ ਭਾਅ ਸੁਣ ਕੇ
ਗ੍ਰਾਹਕ ਰਹਿ ਜਾਣ ਖੜ੍ਹੇ ਦੇ ਖੜ੍ਹੇ ।
ਦੇਖ ਕਿਵੇਂ ਡਿੱਗਰੀਆਂ ਲ਼ੈਕੇ
ਵਿਹਲੇ ਫਿਰਦੇ ਨੌਜਵਾਨ ।
ਨੌਕਰੀ ਨਾ ਮਿਲਣ ਦੇ ਗਮ ’ਚ
ਉਹ ਨਸ਼ੇ ਲੱਗ ਪਏ ਖਾਣ ।
ਹੁਣ ਚੋਣ ਮੈਦਾਨ ਹੈ ਭਖਿਆ
ਤੇਰਾ ਵੱਧ ਗਿਆ ਹੈ ਮੁੱਲ ।
ਸੌ , ਦੋ ਸੌ ਦੇ ਲਾਲਚ ਵਿੱਚ
ਨੇਤਾਵਾਂ ਦੀਆਂ ਕਰਤੂਤਾਂ ਜਾਈਂ ਨਾ ਭੁੱਲ ।
ਜੋ ਤੇਰੀਆਂ ਸਮੱਸਿਆਵਾਂ ਨੂੰ
ਹੱਲ ਕਰਨ ਦੀ ਸਹੁੰ ਖਾਂਦੇ ਨੇ ਹੁਣ ।
ਆਪਣੇ ਹੱਕ ਦੀ ਵਰਤੋਂ ਕਰਕੇ
ਤੂੰ ਉਨ੍ਹਾਂ ਨੂੰ ਲਈਂ ਚੁਣ ।
     

                                                                        ਮਹਿੰਦਰ ਸਿੰਘ ਮਾਨ 

                                                                        ਪਿੰਡ ਤੇ ਡਾਕ ਰੱਕੜਾਂ ਢਾਹਾ

                                                                        (ਸਭਸ ਨਗਰ) 

                                                                        ਮੋਬਾਇਲ: 09915803554