ਯਾਦ ਦੇ ਕਿਨਾਰੇ - ਰਸ਼ਮੀ ਸ਼ਰਮਾ

ਖੁਰ ਗਏ ਨੇ ਹੁਣ ਤੇਰੀ ਯਾਦ ਦੇ ਕਿਨਾਰੇ ,
ਆਉਂਦੇ ਨਹੀਓ ਅੱਖੀਆਂ 'ਚੋ ਹੰਝੂ ਮੇਰੇ ਖਾਰੇ ..

ਬਦਲ ਗਈ ਏ ਰੁੱਤ ਉਦਾਸ ਮੇਰੇ ਦਿਲ ਦੀ ,
ਤੱਕਾਂ ਨਾ ਮੈਂ ਕੱਲੀ ਅੰਬਰਾ ਦੇ ਚੰਨ ਤਾਰੇ ..

ਦਿਨ ਵਾਲਾ ਚਾਨਣ ਮੇਰੇ ਮਨ ਵਿਚ ਵੱਸਾ ,
ਸੋਗ ਵਾਲੇ ਦੀਵੇ ਹੁਣ ਬੁਝ ਗਏ ਨੇ ਸਾਰੇ ..

ਜਿੰਦਗੀ ਦੇ ਬਾਗ ਵਿਚ ਮਹਿਕਦੇ ਨੇ ਫੁੱਲ ,
ਖੁਸ਼ਬੂਆਂ ਦੇ ਨਾਲ ਭਰੇ ਹਵਾ ਦੇ ਹੁਲਾਰੇ ..

ਦਿਨ ਨੂੰ ਸਕੂਨ ਮੇਰੀ ਰਾਤ ਨੂੰ ਹੈ ਚੈਨ ਹੁਣ,
ਮਨ ਉੱਤੋਂ ਲਹਿ ਗਏ ਨੇ ਬੋਝ ਸੀ ਜੋ ਭਾਰੇ ..

ਰਸ਼ਮੀ ਸ਼ਰਮਾ

 # 892 ,

 ਉੱਚਾ ਖੇੜਾ ,

 ਰੋਪੜ |