ਗੀਤ - ਅਸ਼ਵਨੀ ਕੁਮਾਰ ਧੂਰੀ

ਰੋਟੀ ਕੱਪੜਾ ਅਤੇ ਮਕਾਨ।
ਸਭ ਨੂੰ ਤੂੰ ਦੇ ਭਗਵਾਨ।
ਰੋਟੀ ਕੱਪੜਾ............।

ਕੋਈ ਨਾ ਸੋਵੇ ਭੁੱਖਣ-ਭਾਣਾ,
ਸਭ ਨੂੰ ਦੇ ਦੇ ਖਾਣ ਨੂੰ ਦਾਣਾ,
ਜੰਨਤ ਹੋ ਜੇ ਕੁੱਲ ਜਹਾਨ।
ਰੋਟੀ ਕੱਪੜਾ............ ।

ਹੋ ਜਾਵਣ ਦੂਰ ਹਨੇਰੇ,
ਫੈਲੇ ਚਾਣਨ ਚਾਰ ਚੁਫੇਰੇ,
ਹਰ ਮੁੱਖ ਤੇ ਖੇਲੇ ਮੁਸਕਾਨ।
ਰੋਟੀ ਕੱਪੜਾ.............. ।

ਹੱਕ ਗਰੀਬ ਦਾ ਕੋਈ ਨਾ ਲੁੱਟੇ,
ਮਾੜੇ ਨੂੰ ਨਾ ਤਕੜਾ ਕੁੱਟੇ,
ਹਰ ਕੋਈ ਹੋ ਜੇ ਇੱਕ ਸਮਾਨ।
ਰੋਟੀ ਕੱਪੜਾ.................

ਮਿਟ ਜਾਵਣ ਝਗੜੇ-ਝੇੜੇ,
ਹਰ ਥਾਂ ਹੋਵਣ ਖ਼ੁਸ਼ੀਆਂ ਖੇੜੇ,
ਮੌਜਾਂ ਮਾਣੇ ਹਰ ਇਨਸਾਨ।
ਰੋਟੀ ਕੱਪੜਾ.............. ।

ਅਸ਼ਵਨੀ ਕੁਮਾਰ, ਧੂਰੀ

9501600436