ਨੀਂ ਮੁਟਿਆਰ ਕੁੜੀਏ - ਮੁਨੀਸ਼ ਸਰਗਮ

ਚੁੰਨੀ ਆਪਣੀ ਨੂੰ ਸਿਰੋਂ ਤੂੰ ਸੰਭਾਲ ਕੁੜੀਏ !
ਨੀਂ ਮੁਟਿਆਰ ਕੁੜੀਏ, ਨੀਂ ਟੂਣੇਹਾਰ ਕੁੜੀਏ !

ਸੰਭਲ ਕੇ ਚੱਲ ਜ਼ਰਾ ਨੀਵੀਂ ਪਾ ਕੇ ਰੱਖ ਨੀਂ
ਵੇਖੀਂ ਕਿਤੇ ਕਿਸੇ ਨਾਲ ਮਿਲੇ ਨਾ ਇਹ ਅੱਖ ਨੀਂ
ਮੱਲੋ-ਮੱਲੀ ਆਣ ਜੋ ਖਲੋਵੇ ਤੇਰੇ ਰਾਹੀਂ ਕੋਈ
ਘੂਰੀ ਵੱਟ, ਕਰਦੇ ਤੂੰ ਖ਼ਬਰਦਾਰ ਕੁੜੀਏ !
ਨੀਂ... ... .. .. ....
ਇਕੋ-ਇਕ ਮੂਰਤ ਨੂੰ ਦਿਲ ’ਚ ਵਸਾ ਲਵੀਂ
ਲੋੜ ਪਵੇ ਵੈਰ ਸਾਰੇ ਜਗ ਨਾਲ ਪਾ ਲਵੀਂ
ਟੌਹਰ ਵੀਰੇ ਦੀ ਨੂੰ ਰੱਖੀਂ ਤੂੰ ਸਲਾਮਤ
ਪੱਗ ਬਾਬਲ ਦੀ ਦੇਵੀਂ ਨਾ ਖਿਲਾਰ ਕੁੜੀਏ !
ਨੀਂ... ... .. .. ....
ਕਦੇ ਦੁੱਖ-ਸੁੱਖ ਦੀ ਨਾ ਕਰੀਂ ਪਰਵਾਹ ਤੂੰ
ਕਦੇ ਵੀ ਨਾ ਥੱਕੀਂ ਅਣਮੁੱਕ ਕੰਮ-ਕਾਰ ਤੋਂ
ਨਾਲੋ-ਨਾਲੀ ਤਾਰੀ ਜਾਈਂ ਕਰਜ਼ਾ ਜੋ ਸਿਰ ਚੜ੍ਹੇ
ਕਿਸੇ ਦਾ ਨਾ ਰਵ੍ਹੇ ਕੋਈ ਸਿਰ ਭਾਰ ਕੁੜੀਏ !
ਨੀਂ... ... .. .. ....

ਮੁਨੀਸ਼ ਸਰਗਮ

ਪਿੰਡ ਅਤੇ ਡਾਕਘਰ ਸਿਧਵਾਂ ਬੇਟ

ਜਿਲ੍ਹਾ- ਲੁਧਿਆਣਾ-142033

ਮੋਬਾਈਲ: 8146541700