ਵਧਦੀ ਲੁੱਟ - ਮੁਨੀਸ਼ ਸਰਗਮ

ਜ਼ਮੀਰਾਂ ਦੇ ਮਰਨ ਕਰਕੇ ਲੁੱਟਾਂ ਦੇ ਵਧਣ ਤਕ ।
ਅੱਖੀਆਂ ਵੀ ਇਹੋ ਸਭ ਤੱਕਣਾ ਸਿੱਖ ਜਾਣਗੀਆਂ ।
ਖ਼ਲਕਤ ਦੇ ਵਧਣ ਕਰਕੇ ਭੁੱਖਾਂ ਦੇ ਸਿਖ਼ਰ ਉਤੇ,
ਸਭ ਦਫ਼ਤਰਾਂ ਵਿਚ ਨੌਕਰੀਆਂ ਵਿਕ ਜਾਣਗੀਆਂ ।
ਲੋਟੂ ਸਰੀਰਾਂ ਦੇ ਜਦੋਂ ਸ਼ਰੇਆਮ ਵਿਚਰਨਗੇ,
ਮਸਤੀ ’ਚ ਡੁੱਬੀਆਂ ਜਵਾਨੀਆਂ ਟਿਕ ਜਾਣਗੀਆਂ ।
ਸੁਪਨਾ ਸੀ ਤੇਰੇ ਘਰ ਦੇ ਪਿੱਛੇ ਘਰ ਬਣਾਵਾਂਗਾ,
ਲਗਦੈ ਉਦੋਂ ਤਕ ਸਭ ਜ਼ਮੀਨਾਂ ਵਿਕ ਜਾਣਗੀਆਂ ।
ਲੋੜਾਂ ਨੂੰ ਵਿਲਕਦੇ ਬਾਲ ਜਦ ਰਾਗ ਅਲਾਪਣਗੇ,
ਤਦ ਤਕ ਰਾਗ ਤੇ ਸਰਗਮਾਂ ਸਭ ਮਿਟ ਜਾਣਗੀਆਂ ।

ਮੁਨੀਸ਼ ਸਰਗਮ,

ਪਿੰਡ ਅਤੇ ਡਾਕਘਰ ਸਿਧਵਾਂ ਬੇਟ

ਜਿਲ੍ਹਾ- ਲੁਧਿਆਣਾ (142033)

ਮੋਬਾਈਲ ਨੰਬਰ: 8146541700