ਮੇਰੀ ਕਵਿਤਾ - ਹਰਪ੍ਰੀਤ ਜਟਾਣਾ'ਪ੍ਰੀਤ'

ਕਲਮ ਦੇ ਗਲ ਲੱਗ ਰੋਈ ਮੇਰੀ ਕਵਿਤਾ
ਕਾਗ਼ਜਾਂ 'ਚ ਜਾਵੇ ਨਾ ਲਕੋਈ ਮੇਰੀ ਕਵਿਤਾ

ਵਹਿ ਤੁਰੀ ਗੰਗਾ ਉਸਦੇ ਨੈਣਾਂ ਵਿੱਚੋਂ,
ਅੱਖਾਂ ਨਾਲ ਜਦ ਉਹਨੇ ਛੋਈ ਮੇਰੀ ਕਵਿਤਾ

ਕਮਲੀ ਦੇ ਪਰਛਾਵੇਂ ਵਲ ਰਹੀ ਸਦਾ ਭਜਦੀ,
ਸੰਗ ਮੇਰੇ ਦੋ ਪਲ ਨਾ ਖਲੋਈ ਮੇਰੀ ਕਵਿਤਾ

ਯਾਦਾਂ ਦੇ ਮਣਕੇ ਕਰ ਕਰ ਇਕੱਠੇ ਮੈਂ,
ਹਰਫ਼ਾ ਦੀ ਮਾਲਾ 'ਚ ਪਰੋਈ ਮੇਰੀ ਕਵਿਤਾ

ਸਮਝ ਕਮਲੀਏ ਕਦੇ 'ਪ੍ਰੀਤ' ਦੇ ਦਰਦ ਨੂੰ,
ਘਰ ਤੇਰੇ ਆਈ ਬਣ ਅਰਜੋਈ ਮੇਰੀ ਕਵਿਤਾ

ਹਰਪ੍ਰੀਤ ਜਟਾਣਾ'ਪ੍ਰੀਤ'

ਪਿੰਡ:-ਚਾਉਕੇ(ਬਠਿੰਡਾ)

94636-37758