ਗ਼ਜ਼ਲ - ਲਾਡੀ ਸੁਖਜਿੰਦਰ ਕੌਰ ਭੁੱਲਰ

ਦੁੱਖਾਂ ਦੀ ਆਈ ਸ਼ਾਮ ਕਿੰਜ ਢਲੇ।
ਖਾਣ ਵਿਚੋਂ ਮੈਨੂੰ ਗ਼ਮਾਂ ਦੇ ਜ਼ਲਜ਼ਲੇ।
ਪੀੜਾਂ ਦੇ ਭਾਰ ਥੱਲੇ ਦਿਲ ਇਉਂ ਲਗਦਾ,
ਜਿਉਂ ਹੇਠ ਪੁੜਾਂ ਆਏ ਦਾਣੇ ਦਲੇ।
ਭਾਰ ਝੱਲਣ, ਕਿੰਨਾ ਪੈਂਡਾ ਕਰਦੇ,
ਸਾਥੋਂ ਤਾਂ ਚੰਗੇ ਨੇ ਬੂਟਾ ਦੇ ਤਲੇ।
ਹੰਝੂ ਕੇਰ-ਕੇਰ ਰਹਾ ਬੁਝਾਉਂਦੀ,
ਜਦ ਸੀਨੇ ਵਿਚ ਪੀੜਾਂ ਦੀ ਅੱਗ ਜਲੇ।
ਮੇਰੀਆਂ ਖ਼ਾਹਿਸ਼ਾਂ ਦੇ ਜਦ ਫੁੱਲ ਖਿੜੇ,
ਉਹ ਵੀ ਝੱਟ ਕਿਸੇ ਪੈਰਾਂ ਹੇਠ ਮਲ਼ੇ।
ਜਦ ਕੋਈ ਭੁੱਲਰ ਮਿਲਿਆ ਨ ਸਹਾਰਾ,
ਫਿਰ ਸਾਨੂੰ ਦੁੱਖਾਂ ਨੇ ਲਾਇਆ ਗਲ਼ੇ।
ਕਾਗ਼ਜ਼  ਕਲਮ  ਮਿਤ ਬਣੇ ਮੇਰੇ,
ਉਂਝ ਨਾ ਜਾਣੇ ਕੋਈ ‘ਲਾਡੀ’ ਦੇ ਵਲਵਲੇ।

ਲਾਡੀ ਸੁਖਜਿੰਦਰ ਕੌਰ ਭੁੱਲਰ

ਫੋਨ ਨੰ:-97811-91910