ਸਮਝ ਨਹੀ ਆਉਦੀ ਕਿੱਦਾਂ - ਜਗਦੀਪ ਕੌਰ(ਦੀਪ ਬਾਜਵਾ)

ਸਮਝ ਨਹੀ ਆਉਦੀ ਕਿੱਦਾਂ ਦੇ ਕਰ ਰਹੀ ਹੈ ਸਵਾਲ ਜਿੰਦਗੀ, 

ਹਰ ਘੜੀ ਹਰ ਪਲ ਕਰ ਰਹੀ ਹੈ ਜਿਉਣਾ ਮੁਹਾਲ ਜਿੰਦਗੀ, 

ਇੱਕ ਖੁਸ਼ੀ ਨੂੰ ਪਾਉਣ ਦੀ ਕੋਸਿਸ਼ ਕਰਦੇ ਕਰਦੇ ਥੱਕ ਜਾਦੀ ਹਾਂ, 

ਪਰ ਥੱਕਦੀ ਨਹੀ ਦੁਖਾਂ ਨੂੰ ਜੀ ਦਾ ਜੰਜਾਲ ਕਰ ਰਹੀ ਹੈ ਜਿੰਦਗੀ, 

ਤਿਣਕਾ ਤਿਣਕਾ ਜੋੜ ਕੇ ਜੋ ਇੱਕਠੇ ਕੀਤੇ ਕੁ੍ਝ ਪਲ ਖੁਸੀਆਂ ਦੇ 

ਤੀਲਾ ਤੀਲਾ ਬਿਖੇਰ ਕੇ ਕਰ ਰਹੀ ਹੈ ਕੰਗਾਲ ਜਿੰਦਗੀ,

ਇੱਕ ਇੱਕ ਕਰਕੇ ਟੁਟਦੀ ਜਾ ਰਹੀ ਏ ਜਦ ਲੜੀ ਹੁਣ ਸਾਹਾਂ ਦੀ,

ਫੇਰ ਕਿਸ ਗੱਲ ਦਾ ਹੁਣ ਕਰ ਰਹੀ ਹੈ ਮਲਾਲ ਜਿੰਦਗੀ...ਦੀਪ ਬਾਜਵਾ

ਜਗਦੀਪ ਕੌਰ(ਦੀਪ ਬਾਜਵਾ) w/o

ਜਗਤਾਰ ਸਿਘ ਬਾਜਵਾ

ਪਿੰਡ- ਕਹੇਰੂ

ਤਹਿ- ਧੂਰੀ

ਜ਼ਿਲਾ-ਸੰਗਰੂਰ