ਤਲਾਸ਼ - ਦਿਲ੍ਜੋਧ ਸਿੰਘ

 ਪਾਸੀਂ ਮੈਂ ਤੱਕ ਨਾਂ ਥੱਕਾਂ ,
ਕਿਸ ਦਿਸ਼ਾ ਤੂੰ ਵਸਦਾ ।
ਮਾਹੀ ਮੇਰਾ ਵੀ ਰਬ ਦੇ ਵਰਗਾ ,
ਅਪਣਾ ਪਤਾ ਨਹੀਂ ਦਸਦਾ ।

ਨੀਲ ਗਗਨ ਵਿਚ ਨਜ਼ਰ ਦੌੜਾਵਾਂ ,
ਕਿਸ ਸੀਮਾਂ ਤਕ ਦੇਖਾਂ ।
ਹਰ ਤਾਰਾ ਕੋਈ ਭੇਦ ਛੁਪਾਵੇ ,
ਮੇਰੇ ਹਾਲ ਤੇ ਹਸਦਾ ।

ਹਰ ਰੁੱਤ ਤੇਰੀ ਮਹਿਕ ਲਿਆਵੇ ,
ਕਿਸ ਰੁੱਤੇ ਤੈਨੂੰ ਪਾਵਾਂ ।
ਝੱਟ ਵੇ ਤੈਨੂੰ ਬਾਹੀਂ ਭਰ ਲਾਂ ,
ਤੂੰ ਹਥ ਨਾਂ ਆਵੇਂ ਨਸਦਾ ।

ਫੁੱਲ ਦਾ ਬੂੱਟਾ ਵਹਿੜੇ ਲਾਵਾਂ ,
ਪਾਲਾਂ ਪੋਸਾਂ ਲਾਡ ਲ੍ਡਾਵਾਂ ।
ਫੁਲ ਤਾਂ ਮੇਰੇ ਸਜਨਾਂ ਵਰਗਾ ,
ਦਿਲ ਦੇਖ ਦੇਖ ਨਾਂ ਰਜਦਾ ।

ਅਜ ਦਾ ਵੇੱਲਾ ਕੱਲ ਦਾ ਵੇਲਾ ,
ਕਿਹੜਾ ਭਾਗਾਂ ਭਰਿਆ ।
ਕਿੰਝ ਭਰੋਸਾ ਸਮੇਂ ਤੇ ਕਰ ਲਾਂ ,
ਮਨ ਸ਼ਕ਼ ਦੀ ਚਿਕੜੀਂ ਫਸਦਾ ।

ਮਿੱਠੇ ਪਾਣੀ , ਮਿਲਕੇ ਸਾਗਰ ,
ਹੋ ਜਾਂਦੇ ਨੇ ਖਾਰੇ ।
ਜਿੰਦਗੀ ਦੀ ਇਹ ਕੌੜੀ ਗਾਥਾ ,
ਕੋਈ ਵੀ ਕਰ ਕੀ ਸਕਦਾ ।

ਦਿਲ੍ਜੋਧ ਸਿੰਘ 

+14146887220 

Menomonee falls Wisconsin usa