ਜ਼ਿੰਦਗੀ ਦੇ ਪੰਧ ਵੇ ਲੋਕਾ - ਜਗਦੀਪ ਕੌਰ

ਜ਼ਿੰਦਗੀ ਦੇ ਪੰਧ ਵੇ ਲੋਕਾ,
ਸੱਚੀਂ ਬਹੁਤ ਲਮੇਰੇ ਨੇ ।

ਸਿੱਧੇ ਲਗਦੇ ਜਿਹੜੇ ਸੀ,
ਸਭ ਰਸਤੇ ਘੁੰਮਣ-ਘੇਰੇ ਨੇ ।

ਜ਼ਿੰਦਗੀ ਸੌਖੀ ਹੁੰਦੀ ਹੈ,
ਹਮਸਫ਼ਰ ਜੇ ਹਮਖਿਆਲ ਹੋਵੇ ।

 ਪੂਰਬ ਪੱਛਮ ਮੇਲ਼ ਨਹੀ,
ਬਸ ਜੀਣਾ ਫੇਰ ਮੁਹਾਲ ਹੋਵੇ ।

ਖ਼ੁਦ ਨੂੰ ਆਪ ਬਥੇਰਾ ਮੈਂ,
ਉਸਦੇ ਸਾਂਚੇ ਵਿਚ ਢਾਲ਼ ਲਿਆ ।

ਆਪ ਗਵਾ ਕੇ ਹਸਤੀ ਅਪਣੀ,
ਅਪਣਾ ਆਪਾ ਗਾਲ਼ ਲਿਆ ।

ਤੋੜ ਸਕੀ ਨਾ ਚਾਹ ਕੇ ਵੀ,
ਸੰਸਕਾਰ ਦੀਆਂ ਜੰਜੀਰਾਂ ਨੂੰ ।

ਚਲ 'ਦੀਪ' ਬੈਠ ਤੁੰ ਚੁਪ ਕਰਕੇ,
ਛੱਡ ਲਿਖਣਾ ਤਕਰੀਰਾਂ ਨੂੰ ।

ਜਗਦੀਪ ਕੌਰ w/o ਜਗਤਾਰ ਸਿਘ ਬਾਜਵਾ

ਪਿੰਡ- ਕਹੇਰੂ

ਤਹਿ- ਧੂਰੀ

ਜ਼ਿਲਾ-ਸੰਗਰੂਰ

    bajwa.jagdeep@ymail.com