ਦਾਦੀ ਦੀ ਕਹਾਣੀ

ਸੁਣੋ ਬੱਚਿਓ ਸੁਣੋ ਕਹਾਣੀ
ਘਰ ਆਉਂਦੀ ਰੋਜ਼ ਬਿੱਲੀ ਰਾਣੀ
ਆ ਕੇ ਲੈਂਦੀ ਕੁੰਡਾ ਖੋਲ੍ਹ
ਦੁੱਧ ਵੀ ਸਾਰਾ ਦਿੰਦੀ ਡੋਲ
ਦਾਦਾ ਥੋਡਾ ਗੁੱਸੇ ਚ ਘਿਰਦਾ
ਡੰਡਾ ਲੈ ਕੇ ਪਿੱਛੇ ਫਿਰਦਾ
ਬਿੱਲੀ ਨਾ ਖੜ੍ਹਦੀ ਨੇੜੇ ਤੇੜੇ
ਐਧਰ ਉਧਰ ਮਾਰਦੀ ਗੇੜੇ
ਇੱਕ ਦਿਨ ਅਸਾਂ ਵਿਊਂਤ ਬਣਾਈ
ਬਿੱਲੀ ਘਰ ਹੀ ਰੱਖਣੀ ਚਾਹੀ
ਰੋਜ਼ ਲੱਗੇ ਦੁੱਧ ਪਿਲਾਉਣ
ਆਪਣੇ ਆਪ ਕੋਲ਼ ਲੱਗੀ ਆਉਣ
ਉਸੇ ਦਿਨ ਤੋਂ ਰੱਖ ’ਲੀ ਬਿੱਲੀ
ਬਿਨ੍ਹਾਂ ਇਜਾਜਤ ਨਾ ਘਰ ਤੋਂ ਹਿੱਲੀ
ਸੁਣੋ ਬੱਚਿਓ ਸੁਣੋ ਕਹਾਣੀ
ਘਰ ਆਉਂਦੀ ਰੋਜ਼ ਬਿੱਲੀ ਰਾਣੀ।

ਬਲਵਿੰਦਰ ਸਿੰਘ ਮਕੜੌਨਾ,
ਪਿੰਡ ਤੇ ਡਾਕਘਰ ਮਕੜੌਨਾ ਕਲਾਂ,
ਜਿਲ੍ਹਾ ਰੋਪੜ।
ਮੋਬਾਇਲ 98550 20025