‘‘ਬੱਚਿਉ! ਅੱਜ ਦੇ ਵਿਗਿਆਨਕ ਯੁੱਗ ’ਚ ਅਸੀਂ ਅੱਜ ਵੀ ਅਨੇਕ ਪ੍ਰਕਾਰ ਦੇ ਵਹਿਮਾਂ-ਭਰਮਾਂ ’ਚ ਗਲ਼ਤਾਨ ਹਾਂ। ਅਨਪੜ੍ਹਤਾ ਕਾਰਨ ਅਸੀਂ ਲੋਕ ਅੱਜ ਵੀ ਢੌਂਗੀ ਬਾਬਿਆਂ ਦੇ ਤਵੀਤਾਂ, ਜਾਦੂ-ਟੂਣਿਆਂ ’ਚ ਫਸੇ ਆਪਣੀ ਆਰਥਿਕ ਲੁੱਟ ਕਰਾ ਰਹੇ ਆਂ।” ਮਾਸਟਰ ਤਰਕਵੀਰ ਸਿੰਘ ਜੀ ਅੱਜ ਤਰਕਸ਼ੀਲ ਸੋਚ ਦੇ ਧਾਰਨੀ ਬਨਾਉਣ ਲਈ ਬੱਚਿਆਂ ਨੂੰ ਵੱਖ-ਵੱਖ ਉਦਾਹਰਨਾਂ ਦੇ ਕੇ ਲੱਛੇਦਾਰ ਭਾਸ਼ਣ ਰਾਹੀਂ ਸਮਝਾ ਰਹੇ ਸਨ।
ਅਜੇ ਮਾਸਟਰ ਜੀ ਦੀ ਗੱਲ ਜਾਰੀ ਸੀ ਪਰ ਅੱਠਵੀਂ ਜਮਾਤ ਦਾ ਦਵਿੰਦਰ ਵਿੱਚੋਂ ਹੀ ਬੋਲ ਪਿਆ,
‘‘ਮਾਸਟਰ ਜੀ ਗੁੱਸਾ ਨੀ ਕਰਦੇ ਤਾਂ ਇੱਕ ਗੱਲ ਪੁੱਛਾਂ ”
‘‘ਹਾਂ ਹਾਂ, ਜ਼ਰੂਰ ਪੁੱਛ।”
‘‘ਮਾਸਟਰ ਜੀ, ਫਿਰ ਤੁਸੀਂ ਪੜ੍ਹੇ-ਲਿਖੇ ਹੋ ਕੇ ਵੀ ਆਹ ਰਾਸ਼ੀਫ਼ਲ ਦੇ ਨਗ ਵਾਲੀਆਂ ਮੁੰਦੀਆਂ ਕਿਉਂ ਪਾਈਆਂ ਨੇ ? ਕੀ ਇਹ ਫੋਕੇ ਵਹਿਮ-ਭਰਮ ਨੀਂ ?”
ਹੁਣ ਮਾਸਟਰ ਜੀ ਨਿੰਮੋਝੂਣੇ ਹੋ ਕੇ ਆਪਣਾ ਭਾਸ਼ਣ ਸਮੇਟਣ ਲੱਗ ਪਏ।
ਗੁਰਪ੍ਰੀਤ ਪੁਰਬਾ,
ਅਬੋਹਰ ਰੋਡ,
ਸ੍ਰੀ ਮੁਕਤਸਰ ਸਾਹਿਬ।
ਮੋਬਾ- 9876166412
0 comments:
Speak up your mind
Tell us what you're thinking... !