ਬੇਵਫ਼ਾ - ਹਰਜਿੰਦਰ ਜੱਜ ’ਅੰਮ੍ਰਿਤਸਰ’

ਕਿਸ ਬੇਵਫ਼ਾ ਦੇ ਹੱਥ ਡੋਰ ਸੀ ਕਿ ਇਹ ਜ਼ਿੰਦਗੀ
ਗੁੰਝਲਦਾਰ ਜਿਹੀ ਹੋ ਗਈ

ਉਸ ਚੰਦਰੀ ਨਾਲ ਨਿਉਂ ਲਾ ਕੇ ਤਾਂ ਜਿਵੇਂ
ਜ਼ਮੀਰ ਗੁਨਾਹਗਾਰ ਜਿਹੀ ਹੋ ਗਈ

ਸੁਹੇ ਫੁੱਲਾਂ ਜਿਹੀ, ਭੱਠ  ਵਿਚ ਤਪਦਾ ਵੇਖਣ ਲਈ ਮੈਨੂੰ
ਅੱਜ ਅੰਗਿਆਰ ਜਿਹੀ ਹੋ ਗਈ

ਡਾਵਾਂ ਡੋਲ ਜਿਹਾ ਬੁੱਤ ਲਈ ਫਿਰਾਂ ਹੁਣ ਏਥੇ
ਰੂਹ ਮੇਰੀ ਕਿਤੇ ਉਡਾਰ ਜਿਹੀ ਹੋ ਗਈ

ਕੁਦਰਤ ਵੀ ਤਰਸ ਨਾ ਕਰ ਸਕੀ ਮੇਰੇ ’ਤੇ
ਫਿਰ ਕਿਸਮਤ ਵੀ ਖ਼ੁਦਮੁਖਤਿਆਰ ਜਿਹੀ ਹੋ ਗਈ

ਰਕੀਬਾਂ ਦੀ ਬੁੱਕਲ ’ਚ ਜਾ ਵੜੀ ਉਹ ਇਸ ਤਰਾਂ
ਕਿ ਮੁਹੱਬਤ ਵੀ ਸ਼ਰਮਸਾਰ ਜਿਹੀ ਹੋ ਗਈ

                          ਹਰਜਿੰਦਰ ਜੱਜ ’ਅੰਮ੍ਰਿਤਸਰ’

                     ਮੋਬਾ: 9855853715