 |
| ਜਸਵਿੰਦਰ ਕੌਰ ਨੀਲੂ |
ਕਿ ਆਪਾਂ ਦੋਵੇਂ ਹਾਣੋਂ ਹਾਣੀਂ
ਪਰ ਕਿਵੇਂ ?????
ਸਮਝ ਨਾ ਪਾਵਾਂ ਏ ਕਹਾਣੀ
ਕਿਵੇਂ ਹੋਏ ਅਸੀਂ ਹਾਣੋਂ ਹਾਣੀ
ਸਾਹਾਂ ਦੇ ਹਾਣੀ ???
ਕਮਲਿਆ!ਸਾਹਾਂ ਦਾ
ਕੀ ਭਰੋਸਾ
ਕਦੋਂ ਕਿਥੇ ਕਿਹਡ਼ੀ ਤੰਦ
ਤਿੜਕ ਕੇ ਦੋ ਪਾੜ ਹੋਜੇ
ਜਨਮਾਂ ਦੇ ਹਾਣੀ ???
ਜਨਮਾਂ ਦੀ ਖੇਡ
ਕੀਹਨੇਂ ਜਾਣੀ ਆ
ਝੱਲਿਆ!!!!
ਉਮਰਾਂ ਦੇ ਹਾਣੀ ???
ਚਲ ਝੂਠਾ !!!
ਤੈਂਨੂ ਤਾਂ ਮੇਰੇ ਤੋਂ ਤਿੰਨ
ਵਰੇ ਪਹਿਲਾਂ ਈ ਜੱਗ ਮੇਲਾ
ਵੇਖਣ ਦੀ ਕਾਹਲ ਸੀ
ਫਿਰ .............
ਖਿਆਲਾਂ ਦੇ ਹਾਣੀ ?????
ਹਾਂ ਅਸੀਂ ਖਿਆਲਾਂ ਦੇ ਹਾਣੀ
ਕਿਉਂ ਜੋ ਇੱਕ ਤੂੰ ਹੀ ਸੀ
ਜਿਹਨੇਂ ਹੋਰਾਂ ਦੇ ਮੱਥੇ ਦੀ
ਤਿਊੜੀ ਬਣੇ ਮੇਰੇ ਖਿਆਲਾਂ ਨੂੰ
ਆਪਣੇ ਦਿਲ ਦੀ ਦਹਿਲੀਜ
ਤੋਂ ਤੇਲ ਚੋਅ ਕੇ ਅੰਦਰ
ਲੰਘਾਇਆ.............
0 comments:
Speak up your mind
Tell us what you're thinking... !